دریائے سندھ میں تربیلا کے مقام پر نچلے درجے کا سیلاب

فلڈ وارننگ سیل نے آگاہ کیا ہے کہ دریائے سندھ میں تربیلا کے مقام پر نچلے درجے کا سیلاب ہے۔

فلڈ وارننگ سیل کے مطابق تربیلا ڈیم میں پانی کی آمد 2 لاکھ 50 ہزار 600 کیوسک، جبکہ پانی کا اخراج 1 لاکھ 64 ہزار 200 کیوسک ریکارڈ ہوا ہے۔

دوسری جانب دریائے کابل میں نوشہرہ کے مقام پر بھی نچلے درجے کا سیلاب ہے۔

فلڈ وارننگ سیل کے مطابق نوشہرہ کے مقام پر دریائے کابل میں پانی کا بہاؤ61 ہزار 300 کیوسک ہے۔