پاکستان میں کورونا وائرس نے مزید 8 افراد کی جان لے لی

پاکستان میں کورونا وائرس کے کیسز میں مسلسل اضافہ جاری ہے، گزشتہ 24 گھنٹوں کے دوران اس موذی وباء نے مزید 8 افراد کی جان لے لی۔

ملک کورونا مریضوں کے حوالے سے مرتب کی گئی فہرست میں 52 ویں نمبر پر پہنچ چکا ہے، گزشتہ 24 گھنٹوں کے دوران کورونا کیسز کی شرح 3 اعشاریہ 65 فیصد ریکارڈ کی گئی۔

پاکستان میں گزشتہ 24 گھنٹوں کے دوران مزید 761 افراد میں کورونا وائرس کی تصدیق ہوئی ہے، زیرِ علاج مریضوں میں سے 170 کی حالت تشویش ناک ہے۔

پاکستان بھر میں اب تک 30 ہزار 482 کورونا وائرس کے مریض انتقال کر چکے ہیں جبکہ اس کے کُل مریضوں کی تعداد 15 لاکھ 52 ہزار 632 ہو چکی ہے۔

گزشتہ 24 گھنٹوں میں ملک میں کورونا وائرس کے مزید 20 ہزار843 ٹیسٹ کیے گئے، جبکہ اب تک کُل 2 کروڑ 95 لاکھ 15 ہزار 360 کورونا ٹیسٹ کیے جا چکے ہیں۔

این سی او سی کے مطابق گزشتہ 24 گھنٹوں کے دوران کورونا وائرس کے مثبت کیسز کی شرح سب سے زیادہ ‎گلگت میں 19 اعشاریہ 64 فیصد ریکارڈ ہوئی ہے۔

پاکستان میں کورونا کے وار جاری، مزید 4 افراد جاں بحق

پاکستان میں کورونا وائرس کے کیسز میں مسلسل اضافہ جاری ہے، گزشتہ 24 گھنٹوں کے دوران اس موذی وباء نے مزید 4 افراد کی جان لے لی۔

اس دوران کورونا وائرس کے مثبت کیسز کی شرح ‎مظفر آباد میں 13 اعشاریہ 73 فیصد، ‎صوابی میں 12 اعشاریہ 50 فیصد، ‎پشاور میں 12 اعشاریہ 47 فیصد،‎ لاہور میں 11 اعشاریہ 16 فیصد اور ‎اسلام آباد میں 3 اعشاریہ 70 فیصد ریکارڈ کی گئی۔

کورونا وائرس کے مثبت کیسز کی شرح ‎میرپور آزاد کشمیر میں 3 اعشاریہ 33 فیصد، ‎فیصل آباد میں 3 اعشاریہ 27 فیصد، ‎کراچی میں 3 اعشاریہ 20 فیصد اور ‎مردان میں 2 اعشاریہ 43 فیصد ریکارڈ ہوئی۔

این سی او سی کے مطابق کورونا وائرس کے مثبت کیسز کی شرح ‎ملتان میں 2 فیصد، ‎بہاولپور میں 1 اعشاریہ 79 فیصد، ‎حیدر آباد میں 1 اعشاریہ 75 فیصد اور ‎کوئٹہ میں 1 اعشاریہ 18 فیصد ریکارڈ کی گئی۔