آصف زرداری کورونا کا شکار ہوگئے

سابق صدر آصف علی زرداری عالمی وباء کورونا کا شکار ہو گئے۔

سماجی رابطے کی ویب سائٹ ٹوئٹر پر جاری کیے گئے بیان میں وزیرِ خارجہ بلاول بھٹو زرداری نے والد کا کورونا ٹیسٹ مثبت آنے کے حوالے سے بتایا ہے۔

بلاول بھٹو زرداری نے کہا ہے کہ آصف زرداری کا کورونا ٹیسٹ مثبت آ گیا، جس کے بعد انہوں نے خود کو گھر میں قرنطینہ کر لیا ہے۔

ان کا مزید کہنا ہے کہ ان کے والد آصف زرداری کی کورونا ویکسین مکمل ہو چکی ہے۔

بلاول بھٹو زرداری نے یہ بھی کہا ہے کہ آصف زرداری کو کورونا کی معمولی علامات ہیں، ان کا علاج جاری ہے۔