فرمان الہی
نماز کے اوقات
مسلم لیگ (ن) کے نائب صدر اور سابق وزیر اعلیٰ پنجاب حمزہ شہباز نے لندن میں پارٹی قائد اور سابق وزیراعظم نواز شریف سے ملاقات کی ہے۔
لندن میں ملاقات کے بعد میڈیا سے گفتگو میں حمزہ شہباز نے کہا کہ فارن فنڈنگ کیس سے عمران خان کے جھوٹ کا پردہ فاش ہوگیا۔
انہوں نے کہا کہ فارن فنڈنگ کیس کو منطقی انجام تک پہنچایا جائے۔
ن لیگی نائب صدر نے مزید کہا کہ لندن بھاگ کر نہیں نجی دورے پر آیا ہوں، جوڈیشل وزیر اعلیٰ پہلی مرتبہ دیکھا ہے۔
اُن کا کہنا تھا کہ سپریم کورٹ کا فیصلہ سیاہ ترین فیصلہ تھا، جس میں آئین کو دوبارہ لکھنے کی کوشش کی گئی۔
حمزہ شہباز نے یہ بھی کہا کہ نواز شریف پاکستانی سیاست کا محور ہیں، جب ڈاکٹر اجازت دیں گے تو ان کی واپسی ہوگی۔
انہوں نے کہا کہ آئندہ برس ہونے والے انتخابات میں نواز شریف انتخابی کمپین کی قیادت کریں گے۔
