میڈیکل بورڈ شہباز گِل کا آج دوبارہ معائنہ کریگا، پمز ذرائع

پی ٹی آئی رہنما شہباز گِل کا میڈیکل بورڈ آج دوبارہ معائنہ کرے گا،ذرائع پمز کے مطابق شہباز گِل کے دوبارہ ٹیسٹ کیے جانے کا بھی امکان ہے، ان کی طبیعت تسلی بخش ہے۔

اسپتال ذرائع کا کہنا ہے کہ شہباز گِل کی گزشتہ رات ای سی جی رپورٹ بہتر نہیں تھی، انہیں دل کی تکلیف نہیں ہے، بے چینی بڑھنے سے بھی دل کی دھڑکنیں تیز ہوجاتی ہیں۔

پولیس نے بدمعاشی کرکے شہباز گِل کو اسلام آباد منتقل کیا، وزیر داخلہ پنجاب

وزیر داخلہ پنجاب ہاشم ڈوگر کا کہنا ہے کہ پنجاب پولیس نے شہباز گِل کو قریبی اسپتال شفٹ کرنے کی کوشش کی، مگر اسلام آباد پولیس نے بدمعاشی کرتے ہوئے رینجرز کی زیر نگرانی اسلام آباد شفٹ کیا۔

ذرائع کا کہنا ہے کہ بے چینی بڑھنے سے سانس لینے میں بھی مشکلات آجاتی ہیں، شہباز گِل کے دل کی دھڑکنیں رات تیز تھیں، دوبارہ ای سی جی کی جائے گی۔

واضح رہے کہ شہباز گِل کو اڈیالہ جیل سے اسلام آبادکے پمز اسپتال منتقل کیا گیا تھا، کارڈیک سینٹر میں ان کا ابتدائی طبی معائنہ کیا گیا۔

شہباز گل پمز منتقل، معائنے کیلئے میڈیکل بورڈ تشکیل

شہباز گل کے معائنے کیلئے میڈیکل بورڈ تشکیل دے دیا گیا، بورڈ میں 5 پروفیسرز ڈاکٹرز شامل ہیں، بورڈ میں نیورو، سرجری، کارڈیک، میڈیسن، آرتھوپیڈک کے پروفیسر ڈاکٹرز شامل ہیں۔

شہباز گِل کےمختلف ٹیسٹ کیے جانے کے بعد مجموعی میڈیکل رپورٹ آج مرتب کی جائے گی۔

ذرائع کا کہنا ہے کہ رپورٹس آنے کے بعد شہباز گِل کو ڈسچارج کرنے یا نہ کرنے سے متعلق فیصلہ کیا جائے گا۔