عمرہ زائرین کسی بھی ایئرپورٹ سے سعودی عرب آسکتے ہیں، سعودی وزارت حج

سعودی عرب میں معتمرین کی آمد و رفت کیلئے کوئی ایئرپورٹ مخصوص نہیں، وزارت حج و عمرہ نے کہا ہے کہ عمرہ زائرین کسی بھی ایئرپورٹ سے سعودی عرب آسکتے ہیں۔

وزارت حج و عمرہ کے مطابق عمرہ کرنے والے کسی بھی انٹرنیشنل یا مقامی ایئرپورٹ سے سعودی عرب میں داخل اور روانہ ہوسکتے ہیں۔

وزارت حج و عمرہ کا مزید کہنا ہے کہ عمرے کیلئے آنے والے 90 دن ٹھہر سکتے ہیں، اس دوران عمرہ زائرین مکہ، مدینہ اور دیگر سعودی شہروں میں آزادی سے جاسکتے ہیں۔