فرمان الہی
نماز کے اوقات
نمیبیا میں جاری گلوبل ٹی ٹوئنٹی سیریز میں ورلڈ لائنز نے لاہور قلندرز کو 5 وکٹوں سے شکست دے دی۔
ونڈ ہاک میں کھیلے گئے اس میچ میں جنوبی افریقی ڈومیسٹک ٹیم ورلڈ لائنز کو لاہور قلندرز نے جیت کے لیے 172 رنز کا ہدف دیا۔
سنسنی خیز مقابلے کے بعد جنوبی افریقہ ٹیم نے یہ ہدف 5 وکٹوں کے نقصان پر آخری گیند پر حاصل کرلیا۔
ورلڈ لائنز کی جانب سے ایون جونس نے 63 رنز کی ناقابلِ شکست اننگز کھیلی جبکہ کونر اور ڈومینک ہینڈرکس نے 34، 34 رنز بنائے
لاہور قلندرز کے احسن حفیظ 3 اور عثمان خالد نے 2 وکٹیں حاصل کیں۔
اس سے قبل لاہور قلندرز نے مقررہ 20 اوورز میں 171 رنز بنائے تھے جہاں مرزا بیگ 47 رنز بنا کر نمایاں رہے۔
قلندر کے محمد نعیم اور اعتزاز حبیب نے 34، 34 رنز کی اننگز کھیلی۔
خیال رہے کہ گلوبل ٹی ٹوئنٹی سیریز کے تمام میچز جیو سوپر سے براہِ راست نشر کیے جارہے ہیں۔
