• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعظم آج یو این اجلاس کے دوسرے روز اہم ملاقات کریں گے

تازہ ترین
قومی خبریں
21 ستمبر ، 2022
وزیراعظم آج یو این اجلاس کے دوسرے روز اہم ملاقات کریں گے

اقوام متحدہ کی جنرل اسمبلی اجلاس کے مباحثے کے دوسرے روز وزیراعظم شہباز شریف سے آئی ایم ایف کی ایم ڈی کرسٹلینا جیورجیوا ملاقات کریں گی۔ 

اس کے علاوہ اقوام متحدہ کے ہیڈ کوارٹرز پہنچنے پر وزیراعظم سے عالمی بینک گروپ کے صدر ڈیوڈ مالپس ملاقات کریں گے۔ وزیراعظم اقوام متحدہ جنرل اسمبلی اجلاس کے مباحثے میں شریک ہوں گے۔ 

اس موقع پر وزیراعظم، پاکستان میں فلڈ آپریشنز کا جائزہ لینے کیلئے زوم میٹنگ کی بھی صدارت کریں گے۔ شہباز شریف یو این جنرل اسمبلی کے اجلاس کے صدر سابا کوروسی سے ملاقات کریں گے۔ 

وزیراعظم شہباز شریف صدر یورپی یونین ارسلا وانڈر لین سے بھی ملاقات کریں گے۔ وزیراعظم کوپ 27 سربراہان کے بند کمرہ اجلاس میں بھی شریک ہوں گے۔ اجلاس کا اہتمام مصر کی جانب سے کیا گیا ہے۔

وزیراعظم فن لینڈ کے صدر سے دوطرفہ امور پر ملاقات کریں گے۔ شہباز شریف امریکی صدر کے بلائے گئے اجلاس میں شرکت کریں گے۔

قومی خبریں سے مزید