ہراسگی کے الزام میںJSMU کے لیکچرار منظور کلوڑ معطل

طالبہ کو ہراساں کر نے کے الزام میں جناح سندھ میڈیکل یونیورسٹی کے لیکچرار منظور کلوڑ کو معطل کردیا گیا ہے۔ 

ہفتہ کے روز بھی جناح سندھ میڈیکل یونیورسٹی کے باہر طلبہ نے شدید احتجاج کیا اور لیکچرار منظور کلوڑ کے خلاف شدید نعرے بازی کی۔

طلباء اور طالبات نے لیکچرار کی برطرفی کا  مطالبہ کرتے ہوئے کہا ہے کہ ہمیں انصاف چاہیے، ہمیں جنسی ہراسگی کا نشانہ بنایا گیا ہے، ٹیچر کو معطل نہیں بلکہ نوکری سے برطرف کیا جائے۔

جناح سندھ میڈیکل یونیورسٹی میں طالبات سے جنسی ہراسگی، طلباء کا احتجاج شروع

جناح سندھ میڈیکل یونیورسٹی میں طالبات کے ساتھ مبینہ طور پر جنسی ہراسگی کے الزامات پر طلباء و طالبات مرکزی شاہراہ پر جمع ہو کر احتجاج شروع کر دیا ہے۔

میڈیکل یونیورسٹی کے ذرائع کے مطابق کسی بھی ناخوشگوار واقعے سے نمٹنے کے لیے پولیس بھی طلب کرلی گئی ہے۔

متاثرین کے مطابق تقریباً 8 سال سے طالبات کے ساتھ جنسی ہراسگی کا سلسلہ چل رہا ہے۔