فرمان الہی
نماز کے اوقات
سوشل میڈیا پر چند گھنٹوں سے محترمہ بینظیر بھٹو کے اکلوتے چشم و چراغ اور وزیر خارجہ بلاول بھٹو زرداری کی ’ممکنہ‘ دلہن کے بارے میں ایک پوسٹ وائرل ہو رہی ہے۔
پاکستان پیپلز پارٹی کے چیئرمین اور وزیر خارجہ بلاول بھٹو زرداری کی شادی سے متعلق خبریں آئے دن میڈیا اور سوشل میڈیا پر گردش کرتی رہتی ہیں۔
پچھلے دنوں بلاول بھٹو کو اقوام متحدہ کی جنرل اسمبلی کے 77ویں اجلاس کے موقع پر بھی شادی سے متعلق سوال کا سامنا کرنا پڑا تھا۔
غیر ملکی صحافی نے بلاول بھٹو زرداری سے یہ سوال پوچھا تھا کہ میرے پاکستانی دوست پوچھ رہے ہیں کہ کیا آپ کا شادی کرنے کا کوئی ارادہ ہے؟
بلاول بھٹو زرداری نے اس سوال کے جواب میں ہنستے ہوئے کہا تھا کہ بالکل، میرا شادی کرنے کا ارادہ ہے جبکہ صحافی کے شادی کرنے کے وقت سے متعلق سوال کا جواب دیے بغیر ہی فوراََ وہاں سے آگے بڑھ گئے تھے۔
سوشل میڈیا پر ایک لڑکی کی تصویر سابق صدر آصف علی زرداری کی ہمشیرہ، پاکستان پیپلز پارٹی کی رہنما فریال تالپور کے ساتھ وائرل ہو رہی ہے۔
ڈاکٹر اسماء نامی خاتون نے یہ تصویر شیئر کرتے ہوئے لکھا ہے کہ ماہ نور سومرو بلاول بھٹو کی ممکنہ دلہن ہو سکتی ہیں۔
اس حوالے سے ٹوئٹر صارفین کا کہنا ہے کہ شیئر ہونے والی تصویر ایڈیٹ شدہ ہے۔
ماہ نور کے ٹوئٹر اکاؤنٹ پر یہ تصویر شیئر کی گئی ہے، تاہم اس میں ’میلاد 22‘ لکھا ہے۔
ماہ نور سومرو پیپلز پارٹی کی سوشل میڈیا ایکٹوسٹ ہیں اور سابق ایم پی اے رقیہ خانم سومرو کی پوتی ہیں۔
ماہ نور نے اپنے ٹوئٹر اکاؤنٹ پر بلاول بھٹو کے ساتھ پروفائل بھی لگائی ہوئی ہے۔
