میلبرن میں بھارت کا پاکستان کے مقابلے میں ریکارڈ اچھا

ٹی ٹوئنٹی ورلڈ کپ میں پاکستان اور بھارت کے درمیان میچ کل میلبرن میں شیڈول ہے، جہاں دونوں ٹیمیں ماضی میں انٹرنیشنل میچز کھیل بھی چکی ہیں۔

پاکستان کرکٹ ٹیم نے میلبرن میں اب تک صرف ایک ٹی ٹوئنٹی میچ آسٹریلیا کے خلاف کھیلا ہے جس میں اسے شکست ہوئی۔

سال 2010ء میں کھیلے گئے اس میچ کے بہترین کھلاڑی شان ٹیٹ اس وقت پاکستان کرکٹ ٹیم کے بولنگ کوچ بھی ہیں۔

دوسری جانب میلبرن میں بھارتی ٹیم نے 4 ٹی ٹوئنٹی میچز کھیلے ہیں جن میں 2 میں اسے کامیابی اور 1 میں شکست ہوئی جبکہ ایک میچ کا نتیجہ نہ نکل سکا۔

ورلڈ کپ سپر12 مرحلے کا آج سے آغاز، پاک بھارت میچ سے ایک روز پہلے میلبرن میں بارش

ٹی ٹوئنٹی ورلڈ کپ کے چوتھے میچ میں کل پاک بھارت ٹاکرے سے پہلے بارش کی انٹری متوقع ہے، میلبرن میں گزشتہ رات بھی وقفے وقفے سے بارش ہوتی رہی۔

علاوہ ازیں اتوار کے میچ سے متعلق دونوں ٹیموں کی  بھرپور تیاریاں جاری ہیں۔

اس کے علاوہ محکمہ موسمیات کی جانب سے اتوار کو بارش کے باعث میچ متاثر ہونے کی پیشگوئی بھی کی گئی ہے۔