فرمان الہی
نماز کے اوقات
پاکستانی معروف اداکارہ و ماڈل اقراء عزیز نے اداکار فیروز خان کے ساتھ مزید کام نہ کرنے کا فیصلہ کیا ہے۔
جیو انٹرٹینمنٹ کے بلاک بسٹر ڈرامہ سیریل ’خدا اور محبت‘ کی مرکزی اداکارہ اقراء عزیز کا اداکار فیروز خان کے ساتھ آنے والا نیا پروجیکٹ گھریلو تشدد کی نذیر ہو گیا۔
اقراء عزیز نے سوشل میڈیا کے اپنے انسٹاگرام اکاؤنٹ پر گھریلو تشدد کے خلاف آواز اٹھائی ہے۔
اقراء عزیز نے اپنے انسٹاگرام اکاؤنٹ پر شیئر کیے گئے نوٹ میں کہا ہے کہ ظلم کے سامنے خاموش رہنا ظالم کا ساتھ دینے کے مترادف ہے۔
انہوں نے مزید لکھا ہے کہ گھریلو تشدد سے متعلق معاشرتی صورتحال بدلنے کے لیے میں نے فیروز خان کے ساتھ آنے والا اپنا نیا پروجیکٹ نہ کرنے کا فیصلہ کیا ہے، یہ مشکل لیکن ضروری فیصلہ ہے۔
اقراء عزیز کا کہنا ہے کہ وہ یہ فیصلہ گھریلو تشدد کا شکار اور مظلوموں کی مدد کی علامت کے طور پر کر رہی ہیں۔
اقراء عزیز نے اپنی پوسٹ کے آخر میں لکھا ہے کہ میں انصاف کے حصول کے لیے آواز اٹھانے والی علیزے سلطان کی حمایت کرتی ہوں۔
