فرمان الہی
نماز کے اوقات
پاکستان میں برطانوی ہائی کمشنر ڈاکٹر کرسچن ٹرنر ٹی ٹوئنٹی ورلڈ کپ کے فائنل میں انگلینڈ اور پاکستان کو سپورٹ کرنے سے متعلق اگر مگر کا شکار ہو گئے۔
سماجی رابطے کی ویب سائٹ ٹوئٹر پر جاری کیے گئے ویڈیو پیغام میں کرسچن ٹرنر کا کہنا ہے کہ 30 سال بعد کرکٹ کی 2 ٹیموں کے درمیان فائنل ہو گا۔
کرسچن ٹرنر نے کہا کہ میں دل دل انگلینڈ ہوں، اگر پاکستان نے 1992ء کی طرح انگلش ٹیم کو شکست دی تو میں دل دل پاکستان گانے پر مجبور ہو جاؤں۔
برطانوی ہائی کمشنر ڈاکٹر کرسچن ٹرنر نے اپنے پیغام میں دونوں ٹیموں کو کہا ہے کہ اچھا کھیلنا ہے۔
واضح رہے کہ پاکستان آج تیسری مرتبہ ٹی ٹوئنٹی ورلڈ کپ کا فائنل کھیلے گا، اس سے قبل 2007ء اور 2009ء میں بھی پاکستان فائنل کھیل چکا ہے۔
پاکستان 2009ء میں یونس خان کی قیادت میں ٹی ٹوئنٹی کا چیمپئن بنا تھا جبکہ 2007ء میں رنرز اپ رہا تھا۔
انگلینڈ کی ٹیم بھی تیسری مرتبہ ٹی ٹوئنٹی ورلڈ کپ کا فائنل کھیلے گی، انگلش ٹیم نے2010ء میں آسٹریلیا کو ہرا کر ٹی ٹوئنٹی ورلڈ کپ کا ٹائٹل اپنے نام کیا تھا۔
انگلینڈ کو 2016ء میں ہونے والے ٹی ٹوئنٹی ورلڈ کپ کے فائنل میں ویسٹ انڈیز سے شکست ہوئی۔
