فرمان الہی
نماز کے اوقات
سابق وفاقی وزیر شیخ رشید کا کہنا ہے کہ نواز شریف کا بھائی وزیرِ اعظم ہے اور سفارتی پاسپورٹ بھی مل چکا ہے مگر کلین چٹ نہیں ملی۔
سماجی رابطے کی سائٹ ٹوئٹر پر جاری کیے گئے سلسلہ وار ٹوئٹس میں شیخ رشید نے کہا کہ نواز شریف اپنا جنم دن اور نیو ایئر اپنی بیٹی کے ساتھ لندن میں منائیں گے۔
انہوں نے کہا کہ ملک کی بدقسمتی ہے کہ بزدل اور کرپٹ لوگ آگے آ گئے ہیں، ان کا حقیقی دارالحکومت لندن ہے پاکستان میں تاوان لینے آتے ہیں۔
شیخ رشید کا کہنا ہے کہ لندن میں فیصلہ کرنے کے بعد اتحادیوں کی کوئی حیثیت نہیں، عمران خان کے سب سےاچھے تعلقات سعودی ولی عہد سے ہیں۔
عوامی مسلم لیگ کے سربراہ نے کہا کہ بدعنوان لوگ اہم عہدوں پر آگئے، نیب میں کیس بند کرانے والوں کا تانتا بندھا ہے۔
ان کا یہ بھی کہنا ہے کہ احتساب اور حساب ختم نہیں ہو گا، 30 نومبر تک سیاست واضح ہو جائے گی۔
