منظور وسان کی عمران خان اور لانگ مارچ سے متعلق بڑی پیشگوئی

18 نومبر ، 2022

پیپلز پارٹی کے سینئر رہنما منظور وسان نے چیئرمین پاکستان تحریک انصاف (پی ٹی آئی) عمران خان اور لانگ مارچ سے متعلق پیشگوئی کردی ہے۔

کراچی سے جاری بیان میں منظور وسان نے پی ٹی آئی چیئرمین میں بڑی تبدیلی کی پیشگوئی کی اور کہا کہ ابھی جو عمران خان ہے، ہفتے کہ بعد یہ وہ عمران خان نہیں رہے گا۔

انہوں نے مزید کہا کہ 2023ء سے پہلے عمران خان کا لانگ مارچ ختم ہوجائے گا جبکہ آئندہ برس پی ٹی آئی چیئرمین کے مستقبل کے لیے اچھا نہیں دیکھ رہا ہوں۔

انہوں نے یہ بھی کہا کہ عمران خان نے سندھ میں سیلاب متاثرین کو کچھ نہیں دیا ہے، آئندہ سال اکتوبر تک ملک میں اہم فیصلے ہوں گے ہر چیز کا معاملہ طے پا جائے گا۔

منظور وسان کا کہنا تھا کہ سندھ میں فوڈ سیکیورٹی کا کوئی مسئلہ نہیں، صوبے میں گندم کی جو قیمت رکھی اس کے باعث فصل زیادہ کاشت کی جارہی ہے۔