فرمان الہی
نماز کے اوقات
وفاقی وزیر صحت قادر پٹیل کا کہنا ہے کہ شیخ رشید پر پانچواں گیٹ بند کردیا گیا ہے، اب وہ بنی گالا کے تنخواہ دار ہیں۔
سابق وزیر داخلہ کی پریس کانفرنس پر رد عمل دیتے ہوئے قادر پٹیل نے کہا کہ وزیر خارجہ بلاول بھٹو زرداری کا بیانیہ صدر عارف علوی سمجھ گئے ہوں گے۔
قادر پٹیل نے کہا کہ شیخ رشید کا سیاست میں کردار خوا مخواہ کا رہ گیا ہے۔
واضح رہے کہ سابق وزیر داخلہ اور عوامی مسلم لیگ کے سربراہ شیخ رشید کا کہنا تھا کہ بلاول صدر پاکستان کو دھمکی دے رہا ہے، بلاول دھمکی دینے سے پہلے لال حویلی سے ہو کر جائے۔
لاہور میں میڈیا سے گفتگو کرتے ہوئے شیخ رشید کا کہنا تھا کہ 26 نومبر کو پورا پاکستان عمران خان کا میزبان ہے، عوام کا سمندر عمران خان کا استقبال کرے گا۔
ان کا کہنا تھا عمران خان کی سیکیورٹی کا مسئلہ ہے، پوری کوشش ہوگی مغرب سے پہلے پوری دنیا عمران خان کا خطاب سن سکے۔
