نجمہ حمید کی نماز جنازہ ادا کر دی گئی

مسلم لیگ ن شعبۂ خواتین کی سابق صدر نجمہ حمید کی نمازِ جنازہ ادا کر دی گئی۔

مسلم لیگ ن کے رہنما راجہ ظفر الحق، انجم عقیل، سردار نسیم، طلال چوہدری اور طارق فضل چوہدری مرحومہ کی نمازِ جنازہ میں شریک ہوئے۔

ان کے علاوہ پیپلز پارٹی کے زمرد خان، نیئر بخاری اور فرحت اللّٰہ بابر نے بھی نجمہ حمید کی نمازِ جنازہ میں شرکت کی۔

مریم اورنگزیب کی خالہ سابق سینیٹر نجمہ حمید کا انتقال، پارٹی رہنماؤں کا اظہار تعزیت

وفاقی وزیر اطلاعات مریم اورنگزیب کی خالہ سابق سینیٹر نجمہ حمید گزشتہ شب انتقال کر گئیں۔

واضح رہے کہ وفاقی وزیرِ اطلاعات مریم اورنگزیب کی خالہ اور سابق سینیٹر نجمہ حمید 2 دسمبر کو انتقال کر گئی تھیں۔

نجمہ حمید رکنِ قومی اسمبلی طاہرہ اورنگزیب کی بڑی بہن تھیں، وہ مارچ 2015ء سے مارچ 2021ء تک مسلم لیگ ن کی سینیٹر رہی تھیں۔