اکوڑہ خٹک: پولیس موبائل پر حملہ، 30 مشتبہ افراد زیر حراست

اکوڑہ خٹک میں پولیس موبائل پر حملے کے ملزمان کی گرفتاری کےلیے سرچ آپریشن شروع کردیا گیا۔

ڈی پی او کا کہنا ہے کہ اکوڑہ خٹک کے 3 مہاجر کیمپوں سے آپریشن کے دوران 30 مشتبہ افراد کو حراست میں لے لیا گیا۔

ڈی پی او کا کہنا ہے کہ دہشت گرد حملے میں ملوث شدت پسند عناصر کے خلاف سی ٹی ڈی نے بھی آپریشن شروع کردیا۔

پولیس کا کہنا ہے کہ گزشتہ شب اکوڑہ خٹک کےقریب پولیس موبائل پر دہشت گردحملے میں 3 اہلکار شہید ہوگئے تھے۔