گہری دھند کے باعث متعدد موٹرویز ٹریفک کیلئے بند

ملک کے مختلف علاقوں میں گہری دھند کی وجہ سے موٹروے پولیس نے متعدد موٹرویز بند کردی ہیں۔

گہری دھند کے باعث موٹروے ایم 1، پشاور تا صوابی تک بند کردی گئی ہے۔

موٹروے ایم 2، لاہور سے شیخوپورہ تک جبکہ موٹروے ایم 3 سمندری سے جڑانوالہ تک ٹریفک کیلئے بند کردی گئی ہے۔

موٹر وے ایم 1 صوابی تا رشکئی کھول دی گئی

دھند کی شدت کے باعث صوابی سے رشکئی تک بند کی گئی موٹر وے ایم 1 دھند کی شدت میں کمی کے بعد ہر قسم کے ٹریفک کے لیے کھول دی گئی ہے۔

لاہورسے سیالکوٹ اور سوات ایکسپریس وے کرنل شیر خان تا اسماعیلیہ تک بند کر دی گئی ہے۔

ترجمان موٹروے کا کہنا ہے کہ قومی شاہراہ پر بھی دھند ہے، شہری دوران ڈرائیونگ احتیاطی تدابیر اختیار کریں۔