پاکستان اور انگلینڈ کے کھلاڑی ملتان روانگی کیلئے اسلام آباد ایئرپورٹ پہنچ گٸے

پاکستان اور انگلینڈ کی کرکٹ ٹیمیں ملتان روانگی کے لیے اسلام آباد ایئرپورٹ پہنچ گٸیں تاہم خراب موسم کے باعث فلائٹ کو پرواز کرنے کی کلیئرنس نہیں ملی۔

ذرائع کے مطابق دونوں ٹیموں کی اسلام آباد ائیرپورٹ سے ملتان کی فلائٹ 11بجے شیڈول تھی۔

دونوں ٹیموں کے درمیان 3 ٹیسٹ میچوں کی سیریز کا دوسرا میچ جمعہ سے ملتان میں کھیلا جائے گا۔

پاکستان اور انگلینڈ کے درمیان تیسرا ٹیسٹ میچ 17 دسمبر سے کراچی میں کھیلا جائے گا۔

واضح رہے کہ سیریز کے پہلے ٹیسٹ میچ میں انگلینڈ نے پاکستان کو 74 رنز سے ہرایا تھا۔

راولپنڈی ٹیسٹ کی وکٹ سے پی سی بی ناخوش

راولپنڈی ٹیسٹ کی وکٹ سے پاکستان کرکٹ بورڈ (پی سی بی) بھی ناخوش ہے۔

چیئرمین پاکستان کرکٹ بورڈ (پی سی بی) رمیز راجا نے دعویٰ کیا ہے کہ ملتان ٹیسٹ میں ایک نئی کرکٹ نظر آئے گی۔

پی سی بی چیئرمین نے مزید کہا کہ پاکستانی ٹیم انگلینڈ کا ملتان میں بھرپور مقابلہ کرے گی، دوسرے ٹیسٹ میں ایک نئی کرکٹ نظر آئے گی۔