ملتان کی پچ پنڈی جیسی نہ ہو، ٹیم منیجمنٹ سر جوڑ کر بیٹھ گئی

پاکستان اور انگلینڈ کے درمیان سیریز کے دوسرے ٹیسٹ میچ کے لیے ملتان کرکٹ اسٹیڈیم کی پچ سب سے زیادہ توجہ کا مرکز بنی ہوئی ہے۔

پچ کا جائزہ لینے کے لیے ٹیم منیجمنٹ مصروف عمل نظر آئی جبکہ چیف سلیکٹر محمد وسیم اور ندیم خان بھی منیجمنٹ کے ساتھ موجود تھے۔

ملتان کرکٹ اسٹیڈیم میں پیر کی نسبت منگل کے روز دھوپ کی شدت میں تیزی تھی۔

گراونڈ اسٹاف چیف کیوریٹر کی نگرانی میں صبح سے ہی پچ کی تیاری میں مصروف نظر آیا جہاں پچ پر بھاری رول کیا گیا اور ساتھ ہلکا رول بھی کیا جاتا رہا۔

دوپہر کے وقت اسٹیڈیم میں ہیڈ کوچ ثقلین مشتاق، بیٹنگ کوچ محمد یوسف، چیف سلیکٹر محمد وسیم، ڈائریکٹر ڈومیسٹک ندیم خان، اسسٹنٹ کوچ شاہد اسلم اور اسسٹنٹ عمر رشید بھی موجود تھے۔

دوسری جانب منگل کو انگلش ٹیم کے کھلاڑیوں نے ملتان کے مشہور گالف کلب میں گالف کھیلی جبکہ پاکستان ٹیم کے کھلاڑیوں نے ہوٹل میں جِم سیشن کیا۔

چیئرمین پی سی بی رمیز راجہ اور کپتان بابر اعظم بھی پنڈی کی پچ سے ناخوش دکھائی دیے تھے اور کھل کر اس کا اظہار بھی کیا گیا تھا۔

ملتان ٹیسٹ، انگلینڈ کیخلاف میچ کیلئےحارث رؤف کے متبادل کھلاڑی کا فیصلہ نہ ہوسکا

انگلینڈ کے خلاف ملتان ٹیسٹ کے لیے فاسٹ بولر حارث رؤف کے متبادل کھلاڑی کا فیصلہ اب تک نہیں ہوسکا۔

واضح رہے کہ سیریز کے پہلے پنڈی ٹیسٹ کی وکٹ ابتدائی 3 روز رنز کے انبار لگ جانے کی بنا پر خاصی تنقید کی زد میں رہی تھی۔

پاکستان اور انگلینڈ کے درمیان دوسرا ٹیسٹ میچ جمعہ سے ملتان میں شروع ہورہا ہے۔

یاد رہے کہ 3 ٹیسٹ میچوں کی سیریز میں انگلینڈ کو ایک صفر کی برتری حاصل ہے۔