عمران خان کے خطاب کے دوران طلبا کی بڑی تعداد اٹھ کر باہر چلی گئی

پاکستان تحریک انصاف (پی ٹی آئی) کے چیئرمین عمران خان کے خطاب کے دوران سیٹلائٹ ڈگری کالج راولپنڈی کا ہال خالی ہوگیا، عمران خان کا خطاب شروع ہونے سے پہلے ہال میں طالبات کی کثیر تعداد تھی، خطاب شروع ہوتے ہی طالبات ہال سے اٹھ کر چلی گئیں۔

عمران خان نے آج ملک بھر کے طلبا سے ویڈیو لنک کے ذریعے خطاب کیا تھا جس میں انہوں نے طالب علموں پر محنت کر کے دنیا بھر میں ملک و قوم کا نام روشن کرنے پر زور دیا تھا۔

پی ٹی آئی چیئرمین کے خطاب کے دوران راولپنڈی کے سیٹلائٹ ڈگری کالج کی ایک ویڈیو وائرل ہو رہی ہے جس میں دیکھا جا سکتا ہے کہ چیئرمین پی ٹی آئی کے خطاب کے آغاز میں ہال طلبا و طالبات سے بھرا ہوا تھا تاہم عمران خان کے خطاب کے دوران ہی زیادہ تر طالبات ہال سے اٹھ کر چلی گئیں۔