فرمان الہی
نماز کے اوقات
کراچی کے علاقے اسکیم 33 میں گھر میں قتل اور زیادتی کا نشانہ بنے والی لڑکی کے اہل خانہ کو گورنر سندھ نے اپنی طرف سے گھر دینے کا وعدہ کیا ہے۔
صفورا چورنگی کے رہائشی اپارٹمنٹ کے فلیٹ میں پلمبر نے چند روز قبل 14 سال کی لڑکی کو قتل اور زیادتی کا نشانہ بنایا تھا۔
لڑکی کی والدہ نے گورنر سندھ کامران ٹیسوری سے گورنر ہاؤس میں ملاقات کی۔
اس موقع پر گورنر سندھ کا کہنا تھا کہ پولیس نے ملزم کو گرفتار کرلیا ہے، اب عدالت کو فیصلہ کرنا ہے، بچی کے ساتھ ظلم ہوا، وہ ہر طرح سے خاندان کی مدد کریں گے۔
گورنر سندھ سے گفتگو میں لڑکی کی والدہ کا کہنا تھا کہ جس گھر میں بیٹی کا قتل ہوا، اس گھر میں کیسے رہیں کوئی گھر بھی کرائے پر نہیں دے رہا جس پر گورنر سندھ نے لڑکی کی والدہ کو اگلے ہفتے گھر خرید کر دینے کا وعدہ کیا۔
