پرویز الہٰی کے ساتھی ایم پی ایز سے ق لیگ کی قیادت کا رابطہ

مسلم لیگ (ق) کی قیادت کا پرویز الہٰی کا ساتھ دینے والے ارکان پنجاب اسمبلی سے رابطہ ہوا ہے۔

پنجاب اسمبلی میں پرویز الہٰی کے ساتھی 10 میں سے 6 ایم پی ایز سے ق لیگ کی قیادت یعنی چوہدری شجاعت حسین نے رابطہ کرلیا ہے۔

وزیراعلیٰ پنجاب پرویز الہٰی کیا جمعے تک اپنا عہدہ بچا پائیں گے؟

پنجاب کی سیاست کا اونٹ کس کروٹ بیٹھے گا؟ پرویز الہٰی کل صوبائی اسمبلی سے اعتماد کا ووٹ لیں گے یا نہیں؟

ذرائع کے مطابق ق لیگ کی قیادت ان ارکان پنجاب اسمبلی سے براہ راست اور مختلف ذرائع سے رابطے کر رہی ہے۔

ق لیگ نے پرویز الہٰی کے ساتھی ایم پی ایز کو متحدہ اپوزیشن کا ساتھ دینے کےلیے رابطہ کیا ہے۔

ذرائع کے مطابق ق لیگ کی قیادت براہ راست اور مختلف ذرائع سے رابطے کر رہی ہے جبکہ ن لیگ اور پیپلز پارٹی بھی رابطوں میں شامل ہیں۔

پنجاب اسمبلی میں متحدہ اپوزیشن کے 180 ووٹ ہیں، پرویز الہٰی کے 6 ساتھی شامل ہونے سے متحدہ اپوزیشن کے پاس وزارت اعلیٰ کے لیے 186 ارکان پورے ہوسکتے ہیں۔