وزیراعلیٰ پنجاب پرویز الہٰی کیا جمعے تک اپنا عہدہ بچا پائیں گے؟

پنجاب کی سیاست کا اونٹ کس کروٹ بیٹھے گا؟ پرویز الہٰی کل صوبائی اسمبلی سے اعتماد کا ووٹ لیں گے یا نہیں؟

پرویز الہٰی کی وزارت اعلیٰ جائے گی یا وہ اسمبلی توڑنے کی عمران خان کی دی ہوئی تاریخ تک وزارت اعلیٰ بچالیں گے؟

رانا ثناء نے اسپیکر پنجاب اسمبلی کا موقف غلط قرار دیدیا

وفاقی وزیر داخلہ رانا ثناء اللہ نے اسپیکر پنجاب اسمبلی سبطین خان کا موقف غلط قرار دے دیا۔

پنجاب کی ڈرامائی صورتحال فیصلہ کن مرحلے میں داخل ہوگئی، گورنر پنجاب نے وزیراعلیٰ کو اعتماد کا ووٹ لینے کا کہہ دیا۔

صوبائی اسمبلی میں اپوزیشن پرویز الہٰی پر اعتماد کا ووٹ لینے کے لیے اصرار کر رہی ہے جبکہ حکومت کا صاف انکار ہے۔

اسپیکر پنجاب اسمبلی سبطین خان کہہ چکے ہیں کہ اجلاس پر اجلاس طلب نہیں ہوسکا، ن لیگ پہلے کی طرح اپنا اجلاس ہوٹل میں بلالے۔

اسپیکر پنجاب اسمبلی نے گورنر کی ہدایت پر اجلاس بلانے سے انکار کردیا

اسپیکر پنجاب اسمبلی سبطین خان نے گورنر پنجاب کی ہدایت پر کل صوبائی اسمبلی کا اجلاس بلانےسے انکار کردیا۔

اس صورتحال میں رانا ثناء اللّٰہ نے بھی انٹری ماری ہے اور کہا کہ اجلاس نہ بھی ہو تو وزیراعلیٰ کو اعتماد کا ووٹ لینا پڑے گا۔

انہوں نے مزید کہا کہ پرویز الہیٰ نے اعتماد کا ووٹ نہ لیا تو وہ وزیراعلیٰ نہیں رہیں گے، وزیراعلیٰ ہاؤس کو تالا لگادیں گے۔