• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

افغانستان: لڑکیوں کی تعلیم پر پابندی ناقابل قبول، حکومت نظر ثانی کرے، پاکستان کا مطالبہ

تازہ ترین
قومی خبریں
22 دسمبر ، 2022
فائل فوٹو
فائل فوٹو

ترجمان دفتر خارجہ ممتاز زہرا بلوچ کا کہنا ہے کہ افغانستان میں خواتین کی تعلیم پر پابندی ناقابل قبول ہے۔

انہوں نے مطالبہ کیا کہ افغان حکومت لڑکیوں کی تعلیم سے متعلق پابندی پر نظر ثانی کرے۔

ترجمان دفتر خارجہ کا مزید کہنا ہے کہ پاک بھارت تمام تنازعات بات چیت سے حل ہونے چاہییں۔  بھارت دہشت گردی کو ترک کرکے، بات چیت کے لئے موزوں ماحول پیدا کرے۔

انہوں نے کہا کہ پاکستان خود دہشت گردی کا شکار ہے، پاکستان دہشتگردی کے خطرات سے نمٹنے کےلیےکوششیں جاری رکھےگا۔

بھارتی ریاستی دہشت گردی پر پاکستان نے ڈوزئیر تیار کیا ہے۔

ترجمان دفتر خارجہ کا کہنا ہے کہ پاکستان میں تخریبی کارروائیوں کے لیے‏ بھارت دہشتگردوں کی مالی معاونت کرتاہے، بھارت کشمیر میں بھی انسانی حقوق کی خلاف ورزیوں میں ملوث ہے۔

انہوں نے کہا کہ بھارت ایک عرصے سے کشمیریوں کو مسلسل ظلم و ستم کا نشانہ بنا رہاہے، کشمیریوں کو حق خود ارادیت دیے بغیر جنوبی ایشیا میں امن قائم نہیں ہوسکتا۔

قومی خبریں سے مزید