دانیہ شاہ کی درخواستِ ضمانت پر فیصلہ محفوظ

جوڈیشل مجسٹریٹ شرقی کی عدالت نے مرحوم عامر لیاقت کی نازیبا ویڈیوز لیک کرنے کے مقدمے میں گرفتار ملزمہ دانیہ شاہ کی درخواستِ ضمانت پر فیصلہ محفوظ کرلیا۔

کراچی کی مقامی عدالت، جوڈیشل مجسٹریٹ شرقی میں عامر لیاقت کی تیسری، سابقہ اہلیہ دانیہ شاہ خلاف دائر درخواست پر سماعت ہوئی۔

سماعت کے دوران عدالت میں ایف آئی اے پراسیکیوٹر کا مؤقف اختیار کرتے ہوئے کہنا تھا کہ ویڈیو کب کہاں بنائی گئیں پتہ نہیں چلا، ہمیں ریمانڈ نہیں دیا گیا تھا۔

جس پر جوڈیشل مجسٹریٹ مکیش کمار کا کہنا تھا کہ آپ کو 3 دن کا ریمانڈ تو دیا گیا تھا، آپ جیل میں جاکر بھی تفتیش کر سکتے تھے۔

بعد ازاں مقدمے کی سماعت کے بعد عدالت نے دانیہ شاہ کی درخواستِ ضمانت پر فیصلہ محفوظ کرتے ہوئے سماعت کل تک ملتوی کردی۔

عدالت کے مطابق دانیہ شاہ کی درخواستِ ضمانت پر فیصلہ بھی کل سنایا جائےگا۔