محمد رضوان کیساتھ بیٹنگ پر لٹن داس کا ردعمل

بنگلا دیش کے بیٹر لٹن داس نے پاکستان کے وکٹ کیپر محمد رضوان کے ساتھ بیٹنگ کر کے اپنے ردِعمل کا اظہار کیا ہے۔

بنگلا دیش پریمیئر لیگ (بی پی ایل) کے 27 ویں میچ میں کومیلا وکٹورینز نے کھلنا ٹائیگرز کو سنسنی خیز مقابلے کے بعد 4 رنز سے شکست دی تھی۔

اس میچ میں کومیلا وکٹورینز کی طرف سے محمد رضوان اور لٹن داس نے اننگز کا آغاز کیا تھا اور دونوں کھلاڑیوں کے درمیان 65 رنز کی پارٹنر شپ قائم ہوئی تھی۔

میچ کے بعد بنگلا دیشی بیٹر نے سوشل میڈیا پر محمد رضوان کے لیے پیغام جاری کیا۔

لٹن داس نے محمد رضوان کے ہمراہ تصویر شیئر کرتے ہوئے لکھا ہےکہ آپ کے ساتھ بیٹنگ کر کے خوشی ہوئی بھائی۔

واضح رہے کہ بی پی ایل میں پاکستان کے کئی کرکٹرز کھیل رہے ہیں۔

بابر اور رضوان کا یاد کرایا سبق لٹن داس نے بھارت کو پڑھا دیا

انٹرنیٹ پر صارفین نے گزشتہ روز بنگلادیشی بیٹر کی بھارت کے خلاف دھواں دھار اننگز کو بابر اعظم اور محمد رضوان سے جوڑ دیا۔

یاد رہے کہ گزشتہ سال اکتوبر میں بنگلا دیش کے بیٹر لٹن داس نے نیوزی لینڈ میں سہ ملکی سیریز کے دوران بابر اعظم اور محمد رضوان سے ملاقات کر کے بیٹنگ ٹپس بھی لی تھیں۔