لال حویلی سیل کیے جانے کی ویڈیو موصول

متروکہ وقف املاک راولپنڈی نے سابق وزیر داخلہ اور عوامی مسلم لیگ کے سربراہ شیخ رشید کی رہائش گاہ لال حویلی کے 4 یونٹس سمیت سات اراضی یونٹس سیل کر دیے۔

لال حویلی کو سیل کیے جانے کی سی سی ٹی وی ویڈیو موصول ہو گئی ہے۔

ویڈیو میں پولیس اور ایف آئی اے اہل کاروں کو لال حویلی میں داخل ہوتے ہوئے دیکھا جا سکتا ہے۔

ویڈیو میں لال حویلی کو سیل کیے جانے کے مناظر بھی دیکھے جا سکتے ہیں۔

یہ رات میں مجھے گرفتارکرنا چاہتے تھے، میں ادھر ادھر ہوگیا، شیخ رشید

انہوں نے کہا کہ اگر لال حویلی ہماری ذاتی ملکیت نہیں تو ہمیں چوک پر لٹکا دیاجائے۔

واضح رہے کہ متروکہ وقف املاک کی کارروائی رکوانے کے لیے شیخ رشید کی حکم امتناع کی درخواست عدالت خارج کرچکی ہے۔

شیخ رشید نے درخواست میں مؤقف اختیار کیا تھا کہ لال حویلی اور ملحقہ اراضی کا کیس زیر سماعت ہے اس لیے لال حویلی سے بے دخلی کا نوٹس اور کارروائی غیر قانونی ہے۔