بابر اعظم نے آئی سی سی ایوارڈز کے ساتھ تصاویر شیئر کردیں

پاکستان کرکٹ ٹیم کے کپتان بابر اعظم نے آئی سی سی ایوارڈز وصول کرنے کے بعد تصاویر شیئر کردیں۔

بابر اعظم نے آئی سی سی ایوارڈز ملنے کے بعد اپنے گھر پر خصوصی فوٹو سیشن کرایا۔

پاکستان کرکٹ ٹیم کے کپتان نے 2021ء اور 2022ء میں ملنے والی ٹرافیز اور کیپس کے ہمراہ کرائے گئے فوٹو سیشن کی تصاویر سوشل میڈیا اکاؤنٹ پر شیئر کیں۔

بابر اعظم نے تصاویر کے ساتھ  لکھا کہ ’تم اپنے آپ میں ایک جادو ہو‘۔

اس کے علاوہ پاکستان کرکٹ بورڈ نے بھی بابر اعظم کی ایوارڈز کے ساتھ تصویر سوشل میڈیا اکاؤنٹ پر شیئر کی۔

گزشتہ روز چیئرمین پی سی بی مینجمٹ کمیٹی نجم سیٹھی نے بابر اعظم کو آئی سی سی ٹرافی دی تھی۔

بابر اعظم 2021 میں آئی سی سی ٹیسٹ اور ون ڈے ٹیم آ ف دی ایئر میں شامل تھے۔

بابر اعظم کی ون ڈے فارمیٹ میں پہلی پوزیشن برقرار

انٹرنیشنل کرکٹ کونسل (آئی سی سی) ون ڈے رینکنگ میں پاکستان کرکٹ ٹیم کے کپتان بابر اعظم کا پہلا نمبر برقرار ہے جبکہ ٹی ٹوئنٹی فارمیٹ میں ان کی چوتھی پوزیشن ہے۔

پاکستان کرکٹ ٹیم کے کپتان کو 2021 میں ون ڈے پلیئر آف دی ایئر کا ایوارڈ بھی ملا تھا۔

واضح رہے کہ بابر اعظم نے 2022ء میں 9 میچوں میں 84.87 کی اوسط سے 679 رنز بنائے تھے۔