فرمان الہی
نماز کے اوقات
لاہور قلندرز کے ڈائریکٹر کرکٹ عاقب جاوید نے کہا ہے کہ دیکھنا ہے ملتان سلطانز کو سپورٹ زیادہ ملتی ہے یا لاہور قلندرز کو۔
ملتان میں میڈیا سے گفتگو کرتے ہوئے عاقب جاوید کا کہنا تھا کہ ملتان کرکٹ اسٹیڈیم میں لوگوں کو پاکستان سپر لیگ (پی ایس ایل) دیکھنے کا موقع ملے گا۔
انہوں نے کہا کہ ملتان کے لوگ اپنی ٹیم کو سپورٹ کرنے آئیں گے۔ دیکھنا ہے کہ وہ کسے زیادہ سپورٹ کرتے ہیں ملتان سلطانز کو یا لاہور قلندرز کو۔
ان کا کہنا تھا کہ ٹیموں میں کوئی فرق نہیں۔ 2020 میں ہماری ٹیم مکمل ہوگئی تھی۔
اپنی ٹیم اسٹرینتھ پر بات کرتے ہوئے عاقب جاوید نے کہا کہ لاہور قلندرز کی طاقت اس کی بولنگ ہے۔
ڈائریکٹر کرکٹ لاہور قلندرز کا کہنا تھا کہ پچ ابھی ریڈی نہیں ہوئی۔ 2 دن بعد پچ کی حالت مختلف ہو گی۔
اسکواڈ کے بارے میں انہوں نے کہا کہ اس بار ہم نئے بولر اور کیپر بھی لائے ہیں۔
