الیکشن التوا پر اسپیکر پنجاب اسمبلی کی سپریم کورٹ میں درخواست دائر

اسپیکر پنجاب اسمبلی سبطین خان صوبے میں انتخابات کے التوا پر سپریم کورٹ پہنچ گئے۔

سبطین خان نے پنجاب میں انتخابات کے التوا کے الیکشن کمیشن کے فیصلے کے خلاف سپریم کورٹ میں درخواست دائر کردی۔

صدر نے پنجاب اور خیبر پختونخوا میں مقررہ وقت پر الیکشن کیلئے وزیراعظم کو خط لکھ دیا

صدر عارف علوی نے وزیراعظم کے نام خط میں کہا کہ وفاقی اور صوبائی حکومتوں کو انسانی حقوق کی پامالی سے باز رہنے کی ہدایت کی جائے۔

درخواست میں اسپیکر پنجاب اسمبلی نے استدعا کی کہ پنجاب میں انتخابات ملتوی کرنے کا الیکشن کمیشن کا حکم کالعدم قرار دیا جائے۔

درخواست میں مزید کہا گیا کہ عدالت عظمیٰ الیکشن کمیشن کو 30 اپریل کو انتخابات کرانے کا حکم دے۔

درخواست میں استدعا کی گئی کہ خیبرپختونخوا میں انتخابات کی تاریخ سے متعلق حکم جاری کیا جائے۔