بل گیٹس کی’آرٹیفیشل انٹیلیجنس‘ سے متعلق سمجھ محدود ہے، ایلون مسک

28 مارچ ، 2023

معروف امریکی کمپنی ٹیسلا کے بانی ایلون مسک کا کہنا ہے کہ بل گیٹس کی ’آرٹیفیشل انٹیلیجنس‘ سے متعلق سمجھ محدود ہے۔

ایلون مسک اکثر ہی’آرٹیفیشل انٹیلیجنس(AI)‘ کے خطرات کے بارے میں اپنی آواز اٹھاتے نظرآتے ہیں۔

خاص طور پر، اے آئی چیٹ بوٹس کے بعد جیسے کہ چیٹ جی پی ٹی(ChatGPT) مائیکروسافٹ کا بنگ (Bing)، اور گوگل کا بارڈ (Bard) یہ وہ ٹیکنالوجی ہے جس کے بارے میں ہر کوئی بات کرسکتا ہے۔

دوسری جانب، مائیکروسافٹ کے شریک بانی بل گیٹس اس نئی ٹیکنالوجی کے حق میں ہیں اور ان کا خیال ہے کہ چیٹ جی پی ٹی(ChatGPT) جیسے آلات ہمارا مستقبل ہیں جوکہ انسان کی زندگی میں آسانیاں پیدا کریں گے۔

صرف اتنا ہی نہیں بلکہ’The Age of AI Has Begin‘ کےعنوان سے لکھے بل گیٹس کے حالیہ بلاگ نے بھی میڈیا کی کافی توجہ حاصل کی۔

حال ہی میں انہوں نے مائیکرو بلاگنگ ویب سائٹ ٹوئٹر پر ایک صارف کے ٹوئٹ پر اپنے ردِ عمل کا اظہار کیا جوکہ بل گیٹس کے مذکورہ بلاگ کا حوالہ دیتے ہوئے ’آرٹیفیشل انٹیلیجنس (AI)‘ کی اہمیت کے بارے میں بات کررہا تھا۔

اُنہوں نے اپنے ٹوئٹ میں لکھا کہ مجھے بل گیٹس کے ساتھ ہونے والی ملاقاتیں یاد ہیں، ان کی ’آرٹیفیشل انٹیلیجنس‘ سے متعلق سمجھ محدود ہے۔