فرمان الہی
نماز کے اوقات
رحیم یار خان کے علاقے خانپور سے اغواء ہونے والے دونوں بچوں کو بہاولپور سے بازیاب کروا لیا گیا۔
اسکول جاتے 7 اور 11 سال کے بچوں کو جمعہ کے روز اغواء کیا گیا تھا۔
پولیس کا کہنا ہے کہ واردات میں ملوث 2 خواتین اور ایک قریبی رشتہ دار سمیت 4 اغواکاروں کو گرفتار کیا گیا ہے۔
آئی جی پنجاب نے بچوں کو بازیاب کرانے والی ٹیم کے لیے 10 لاکھ روپے انعام کا اعلان کیا ہے۔
دوسری جانب آج سے کچے میں ڈاکوؤں کے خلاف آپریشن شروع ہوگا، پہلی بار سندھ پولیس بھی پنجاب پولیس کے ساتھ ڈاکوؤں کا صفایا کرے گی۔
واضح رہے کہ خان پور میں ملزمان نے بچوں کو اس وقت اغواء کیا جب دونوں بچے گاڑی پر ڈرائیور کے ساتھ اسکول جارہے تھے۔
دونوں بچوں کے والد ٹی ایچ کیو اسپتال خان پور کے سابق ایم ایس ڈاکٹر حسن محمود ہیں۔
