-
فرمان الہی
-
نماز کے اوقات
- جمعہ 10؍شوال المکرم 1445ھ19؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
پاکستان میوزک انڈسٹری سے وابستہ معروف گلوکار و اداکار عاصم اظہر جو ان دنوں امریکا میں کنسرٹز میں مصروف ہیں، انہیں حال ہی میں مداحوں نے باڈی شیمنگ کا نشانہ بنایا اور ان کی تصویروں پر سخت تنقید کی۔
فوٹو اینڈ ویڈیو شیئرنگ پلیٹ فارم انسٹاگرام پر گلوکار نے اپنے امریکا کے مختلف شہروں میں ہونے والے کنسرٹ کی تصاویر شیئر کی۔
انہوں نے تصاویر شیئر کرتے ہوئے اپنے سولڈ آؤٹ شوز پر مداحوں کا شکریہ بھی ادا کیا تاہم ان تصاویر کے کمنٹس میں تبصرہ کرتے ہوئے مداحوں کی بڑی تعداد نے انہیں باڈی شیمنگ کا نشانہ بناتے ہوئے ان پر تنقیدوں کی بوچھاڑ شروع کردی۔
انسٹاگرام پر شئیر کی گئی کانسرٹ کی ان تصاویر میں عاصم اظہر نے نیلے رنگ کی جینز اور سفید رنگ کی ٹی شرٹ کے ساتھ بڑے سائز کی سیاہ جیکٹ پہن رکھی تھی۔
ان تصاویر کے کمینٹس سیکشن میں تبصرہ کرتے ہوئے سوشل میڈیا صارفین نے 26 سالہ عاصم اظہر کا موازنہ گلوکار عدنان سمیع خان سے کرتے ہوئے لکھا کہ ’عاصم اب عدنان سمیع کا ریکارڈ توڑنے کی کوشش کر رہے ہیں‘۔
کچھ صارفین نے ان کی منگیتر اور اداکارہ میرب کو ٹیگ کیا اور لکھا کہ ’بھائی تھوڑا وزن کم کرو، ورنہ آپ کی بیوی آپ کے سامنے بہت چھوٹی نظر آئے گی‘ جبکہ کسی نے انہیں جم جانے کا بھی مشورہ دے دیا۔
سوشل میڈیا صارفین کی جانب سے باڈی شیمنگ کا سامنا کرنے کے بعد گلوکار نے اپنی چند نئی تصاویر انسٹااسٹوری میں شیئر کیں، جن میں وہ کچھ حد تک تنگ ٹی شرٹ اور جینز میں نظر آئے اور سوشل میڈیا صارفین سے سوال کیا کہ ’کیا میں بیگی کپڑے پہننا چھوڑ دوں؟‘۔
