• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

رانا ثناء کا اقلیتوں کی تدفین گاہوں سے متعلق تحریری جواب

تازہ ترین
قومی خبریں
31 مئی ، 2023
رانا ثناء کا اقلیتوں کی تدفین گاہوں سے متعلق تحریری جواب

وفاقی وزیر داخلہ رانا ثناء اللّٰہ نے وفاقی دارالحکومت اسلام آباد میں اقلیتوں کےلیے مختص تدفین گاہوں سے متعلق تحریری جواب دے دیا۔

قومی اسمبلی اجلاس میں وزیر داخلہ نے تحریری جواب میں بتایا کہ ہندو، عیسائی، بدھ مت، بہائی اور قادیانیوں کےلیے شمشان گھاٹ اور قبرستانوں کی جگہ مختص ہے۔

قومی اسمبلی اجلاس میں پیپلز پارٹی ایم این اے شگفتہ جمانی کی حکومت پر تنقید

پیپلز پارٹی کی رکن قومی اسمبلی شگفتہ جمانی نے حکومت پر تنقید کی اور کہا کہ ہمیں فنڈز نہیں دیے جاتے لیکن ووٹ لیے جاتے ہیں۔

انہوں نے مزید کہا کہ ان اقلیتوں کےلیے سیکٹر ایچ نائن میں تدفین کی جگہ مختص کی گئی ہے۔

راناثناء اللّٰہ نے جواب میں بتایا کہ عیسائی کمیونٹی کےلیے 9 ایکڑ، قادیانیوں کےلیے 3 اعشاریہ 424 ایکڑ جگہ قبرستان کےلیے مختص ہے۔

وزیر داخلہ نے تحریری جواب میں بتایا کہ ہندو کمیونٹی کےلیے صفر اعشاریہ 49 ایکڑ، بدھ مت کےلیے صفر اعشاریہ 5 ایکڑ شمشان گھاٹ کےلیے مختص ہے۔

انہوں نے جواب دیا کہ اسلام آباد میں اقلیتی بہائی کمیونٹی کےلیے 1 اعشاریہ 70 ایکڑ جگہ تدفین کےلیے مختص ہے۔

قومی خبریں سے مزید