اقتصادی رابطہ کمیٹی کا اجلاس، ریڈیو پاکستان اور اے پی پی کیلئے گرانٹ منظور

اقتصادی رابطہ کمیٹی کے اجلاس میں ریڈیو پاکستان اور اے پی پی کے لیے 70 کروڑ روپے کی گرانٹ منظور کر لی گئی۔

ذرائع نے بتایا ہے کہ وزیرِ خزانہ اسحاق ڈار کی زیر صدارت اقتصادی رابطہ کمیٹی کا اجلاس ہوا ہے جس میں گرانٹ کی منظوری دی گئی جو ملازمین کی تنخواہ اور پنشن کی ادائیگی کے لیے استعمال ہو گی۔

ریڈیو پاکستان کے لیے 36 کروڑ روپے جبکہ اے پی پی کے لیے 34 کروڑ روپے کی گرانٹ کی منظوری دی گئی ہے۔

بجٹ میں امپورٹڈ لگژری آئٹمز پر ٹیکس بڑھانے کی تجویز

آئندہ مالی سال 24-2023ء کے بجٹ میں امپورٹڈ لگژری آئٹمز پر ٹیکس بڑھانے کی تجویز زیرِ غور ہے۔

اجلاس میں وزیرِ خزانہ اسحاق ڈار نے ریڈیو پاکستان کے ملازمین کی پنشن کا مسئلہ فوری حل کرنے کی ہدایت بھی کی۔

ریڈیو پاکستان کے پنشنرز کے مسئلے کے حل کے لیے کمیٹی بھی قائم کر دی گئی۔

وزیرِ خزانہ اسحاق ڈار نے ہدایت کی کہ ریڈیو پاکستان کے پنشرز کا مسئلہ 3 سے 4 روز میں حل کیا جائے۔