فرمان الہی
نماز کے اوقات
بالی ووڈ کے بھائی، سلمان خان نے اداکارہ کترینہ کیف پر ہاتھ اٹھانے کا اعتراف کیا ہے۔
بھارتی میڈیا سائٹس پر سلمان خان کی ایک پرانی ویڈیو وائرل ہے جس میں سلمان خان اپنی گرل فرینڈ، اداکارہ کترینہ کیف پر شوٹنگ کے دوران ہاتھ اٹھانے کا اعتراف کر رہے ہیں۔
اس پرانے انٹرویو میں سلمان خان کترینہ کیف کے ساتھ اپنے جھگڑوں سے متعلق بات کر رہے ہیں۔
اس وائرل ویڈیو میں سلمان خان کے چہرے پر دور دور تک کوئی ندامت یا شرمندگی نہیں ہے جبکہ کترینہ کیف کے چہرے کے تاثرات بہت کچھ کہہ رہے ہیں۔
سلمان خان بہت آرام سے کترینہ کیف کو مارنے سے متعلق میزبان کو بتا رہے ہیں۔
سلمان خان کا اس ویڈیو میں کہنا ہے کہ وہ اس انڈسٹری میں کافی عرصے سے ہیں اور کترینہ کیف یہاں نئی ہیں، جب وہ اپنا آئیڈیا پیش کرتی ہیں یا اوور اسمارٹ بننے کی کوشش کرتی تھیں تو اُنہیں ایک آدھ پڑ (ایک آدھ تھپڑ) جاتی تھی۔
سلمان خان کا یہ انٹرویو سوشل میڈیا پر خوب وائرل ہو رہا ہے جس پر انہیں تنقید کا نشانہ بنایا جا رہا ہے۔
واضح رہے کہ سلمان خان ماضی میں اپنی گرل فرینڈز پر تشدد کرنے سے متعلق مشہور رہے ہیں، کترینہ کیف سے قبل اُن پر ایشوریہ رائے پر بھی ہاتھ اٹھانے سے متعلق الزامات لگتے رہے ہیں۔
یاد رہے کہ سلمان خان کی دونوں سابقہ گرل فرینڈز، اداکارائیں اب شادی شدہ ہیں اور اپنی اذدواجی زندگی میں خوش ہیں۔
