فرمان الہی
نماز کے اوقات
بالی ووڈ فلم دھریندر میں پاکستان آنے والے بھارت کے خفیہ ایجنٹ یعنی رنویر سنگھ حقیقی زندگی میں کراچی والے نکلے۔
بھارتی میڈیا رپورٹس کے مطابق فلم دھریندر میں رنویر سنگھ بھارتی خفیہ ایجنٹ جسکریت سنگھ رنگی کے کردار میں دکھائی دے رہے ہیں۔
جسکریت سنگھ نوکری کی تلاش میں بلوچ کا روپ دھار کر کراچی میں داخل ہوتا ہے، جس کا مقصد کراچی کے علاقے لیاری میں تخریب کاری کرنا ہے۔
یہی بات شائقین کے لیے توجہ کا مرکز بنی ہوئی ہے کیونکہ حقیقی زندگی میں رنویر سنگھ کا تعلق خود ایک سندھی خاندان سے ہے۔
رنویر سنگھ دراصل ممبئی کے رہائشی ہیں اور ان کا مکمل نام رنویر سنگھ بھونانی ہے۔ وہ 1985 میں ممبئی میں ایک سندھی خاندان میں پیدا ہوئے، تاہم ان کے والدین کا سندھی خاندان 1947 میں تقسیمِ ہند سے قبل کراچی میں رہائش پذیر تھا۔
اس طرح اس فلم دکھائی گئی کراچی سے منسلک ان کی کہانی کہیں نہ کہیں ان کی اپنی خاندانی تاریخ سے بھی جڑتی محسوس ہوتی ہے۔
