کراچی: ڈاکو اسلحے کے زور پر قربانی کے بکرے چھین کر لے گئے، ویڈیو وائرل

کراچی کے علاقے فیڈرل بی ایریا میں ڈاکو اسلحے کے زور پر قربانی کے جانور چھین کر لے گئے۔

بکرے لوٹ کر لے جانے کے اس واقعے کی سی سی ٹی وی فوٹیج وائرل ہو گئی۔

سی سی ٹی وی فوٹیج میں دیکھا جا سکتا ہے کہ 2 مسلح ملزمان ایک بند پک اپ میں آتے ہیں اور قربانی کے جانوروں کی نگرانی پر بیٹھے ہوئے شخص سے 2 بکرے چھین لیتے ہیں۔

عید سے قبل درزی اور مویشی بیوپاری لٹ گئے

گوجرانوالہ میں عید قربان قریب آتے ہی درزی اور بیوپاری ڈاکوؤں کے نشانے پر آ گئے، قلعہ دیدار سنگھ میں ڈاکو درزی کی دکان میں داخل ہوئے اور گن پوائنٹ پر سلے ہوئے متعدد سوٹ لوٹ کر فرار ہوگئے، شاہ کوٹ کے قریب کار سوار ڈاکوؤں نے اسلحہ دکھا کر بیوپاری سے 4 بکرے چھین لیے۔

ملزمان کو جانوروں کے پاس بیٹھے شخص کی تلاشی لیتے بھی دیکھا جا سکتا ہے۔

ملزمان 2 بکرے گاڑی میں ڈال کر لے گئے، خوش قسمتی سے وہیں بندھا ہوا دنبہ لکڑی کے بچھے ہوئے تخت کے نیچے بیٹھے ہونے کی وجہ سے بچ جاتا ہے۔

سی سی ٹی وی فوٹیج میں دونوں مسلح ملزمان کے چہرے واضح نظر آ رہے ہیں۔