فرمان الہی
نماز کے اوقات
دھابیجی پمپنگ اسٹیشن سے کراچی کو پانی فراہم کرنے والی پائپ لائن پھٹ گئی۔
واٹر بورڈ کے حکام کے مطابق 72 انچ کی پائپ لائن نمبر 5 صبح 6 بج کر 35 منٹ پر بجلی کے بریک ڈاؤن کے باعث پھٹی۔
اس حوالے سے واٹر بورڈ کے حکام کا کہنا ہے کہ لائن پھٹنے سے کراچی کو پانی فراہم کرنے والے 7 پمپس بند ہو گئے۔
چیف انجینئر بلک واٹر کارپوریشن کا کہنا ہے کہ متاثرہ لائن کا مرمتی کام 24 گھنٹوں میں مکمل کرلیا جائے گا، شہر کو پانی کی فراہمی متبادل لائنوں سے جاری ہے۔
واضح رہے کہ دھابیجی پمپنگ اسٹیشن کو کے الیکٹرک کی جانب سے بجلی فراہم کی جاتی ہے۔
