• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی میں بارش کا سلسلہ آج رات تک جاری رہنے کی پیش گوئی

تازہ ترین
قومی خبریں
25 جولائی ، 2023
فائل فوٹو
فائل فوٹو

محکمہ موسمیات نے کراچی میں بارش کا سلسلہ آج رات تک جاری رہنے کی پیش گوئی کی ہے۔ 

شہر کے مختلف علاقوں میں رات گئے کہیں ہلکی اور کہیں تیز بارش ہوئی۔

کورنگی، لانڈھی، شاہ فیصل، نارتھ کراچی اور سرجانی ٹاؤن سمیت مختلف علاقوں میں وقفے وقفے سے بارش ہوتی رہی۔

خراب موسم کے سبب اندرون و بیرون ملک کئی پروازیں تاخیر کا شکار رہیں جبکہ ٹورنٹو، مدینہ، مسقط اور ریاض کی پروازیں منسوخ کی گئیں۔

میئر کراچی نے بھی رات گئے ضلع وسطی کے مختلف علاقوں کا دورہ کیا اور کہا کہ بارش کے پانی کی تصاویر سوشل میڈیا پر جاری کرنے والے پانی کلیئر ہونے کی بھی تصاویر دیکھ لیں۔

دوسری جانب حیدرآباد میں بھی بارشوں سے نشیبی علاقوں میں پانی جمع ہوگیا، لطیف آباد، قاسم آباد اور ٹنڈوجام میں اہم شاہراہیں نہر کا منظر پیش کرنے لگیں۔

لاڑکانہ میں موسلادھار بارشوں کے باعث دادو کینال میں 10 فٹ چوڑا شگاف پڑ گیا۔

قومی خبریں سے مزید