فرمان الہی
نماز کے اوقات
ایک جاپانی کمپنی نے ارب پتی افراد کےلیے میکا روبوٹ بنالیا، جس کی ویڈیو بھی سوشل میڈیا پر شیئر کی۔
میکا روبوٹ افسانوی کہانیوں پر مبنی فلموں میں دکھایا جانے والا انسان کی طرح دکھنے والا ایک بہت بڑا روبوٹ ہے جسے انسان ہی اس میں بیٹھ کر آپریٹ کرتا ہے۔
سوبامے انڈسٹری نامی کمپنی نے اس روبوٹ کو ’آرکھاز‘ کا نام دیا ہے، جو ساڑھے چار میٹر لمبا ہے۔
کمپنی نے مذکورہ روبوٹ کی قیمت 27 لاکھ 50 ہزار ڈالر سے شروع کی ہے، جبکہ اس کے ویرینٹ کے مطابق قیمت مزید بڑھے گی۔
اس روبوٹ کی خاصیت یہ ہے کہ یہ ٹانگوں کی مدد چل بھی سکتا ہے جبکہ ڈرائیو موڈ پر آکر پہیوں کے ذریعے سڑک پر دوڑتا ہے۔
اس میں آپریٹر کی مدد کےلیے مختلف زاویے دکھانے کی خاطر 26 کیمرے لگائے گئے ہیں۔
آپریٹر روم میں مختلف پیڈلز جبکہ صرف دو جوئے اسٹکس لگائی گئی ہیں جبکہ چلانے والے کے سامنے ایک ٹچ اسکرین بھی موجود ہے۔ علاو ازیں یہ روبوٹ ریموٹ سے بھی آپریٹ ہوسکتا ہے۔
