فرمان الہی
نماز کے اوقات
کراچی میں خواتین کو ہراساں کرنے کا ایک اور واقعہ سامنے آگیا۔ جامعہ کراچی کی طالبہ نے یونیورسٹی وین کا پیچھا کرنے والے شخص کی ویڈیو بنا لی، اوباش شخص چلتی موٹر سائیکل پر نازیبا حرکات کر رہا تھا۔
ملزم یونیورسٹی سے گھر جانے والی طالبات کی وین کا تعاقب کرتا رہا۔
انسپکٹر جنرل (آئی جی) سندھ پولیس رفعت مختار نے واقعے کی رپورٹ طلب کرلی۔
ویڈیو راشد منہاس روڈ پر واقع اسپورٹس کمپلیکس کے قریب کی ہے، جو ضلع شرقی اور ضلع وسطی کی حدود میں آتا ہے۔
سینئر سپرنٹنڈنٹ آف پولیس (ایس ایس پی) ضلع شرقی عرفان بہادر کے مطابق ضلع شرقی کے کسی تھانے کی حدود میں ایسا واقعہ پیش نہیں آیا۔
ایس ایس پی ضلع وسطی فیصل عبداللّٰہ چاچڑ کے مطابق ویڈیو چند روز پرانی ہے، جس کی تحقیقات جاری ہیں۔
