فرمان الہی
نماز کے اوقات
پاکستان سے کینیڈا کی براہِ راست پروازوں اور ایئر پورٹس کی سیکیورٹی آڈٹ کے معاملے سے متعلق ٹرانسپورٹ کینیڈا کا وفد دسمبر کے پہلے ہفتے میں کراچی پہنچے گا۔
ذرائع کے مطابق وفد ایئر پورٹس کی سیکیورٹی اور پاکستان سے کینیڈا کی پی آئی اے کی پروازوں کا آڈٹ کرے گا، ٹرانسپورٹ کینیڈا کے وفد کو سی اے اے کی تقسیم اور ایئر پورٹس کی سیکیورٹی پر بریفنگ دی جائے گی۔
اس حوالے سے ذرائع کا کہنا ہے کہ وفد ایئر پورٹس پر کارگو، فلائٹ کچن، گراؤنڈ ہینڈلنگ اور دیگر شعبہ جات کا بھی آڈٹ کرے گا، ٹرانسپورٹ کینیڈا کے دورے کا مقصد کینیڈا کی پروازوں کی سیکیورٹی کو جانچنا ہے۔
ذرائع کے مطابق کینیڈین وفد کو سی اے اے کے قائم کردہ جوائنٹ سرچ بیگجز کاؤنٹر کا بھی دورہ کرایا جائے گا، وفد مسافروں کے سامان، اسکریننگ، جہاز میں سامان منتقلی اور سیکیورٹی آلات کو مانیٹر کرے گا۔
