فرمان الہی
نماز کے اوقات
مسلم لیگ ن کے قائد نواز شریف نے استقبالیہ کمیٹی سندھ کے چیف آرگنائزر، وفاقی تحقیقاتی ایجنسی (ایف آئی اے) کے سابق ڈائریکٹر جنرل (ڈی جی) بشیر میمن سے اہم ملاقات کی۔
نوازشریف نے بشیر میمن کو مسلم لیگ (ن) میں شمولیت پر مبارک باد دی۔
ملاقات کے دوران نواز شریف نے 21 اکتوبر کو مینارِ پاکستان پر صوبہ سندھ سے کارکنوں اور رہنماؤں کی بھرپور شرکت کو سراہا۔
نواز شریف نے 21 اکتوبر کو لاہور آنے والے اقلیتی وِنگ کے کارکن کرامت مسیح کے انتقال پر تعزیت اور اُن کے اہلِ خانہ سے ہمدردی کا اظہار کیا۔
بشیر میمن سے ملاقات کے دوران نواز شریف نے کہا کہ کارکنوں کے تاریخی جذبے اور قربانیوں کو کبھی نہیں بھلا سکتا۔
نواز شریف نے بشیر میمن سے گفتگو کے دوران مزید کہا کہ آپ کے پارٹی میں آنے سے صوبہ سندھ میں پارٹی مزید مضبوط اور فعال ہو گی۔
اس دوران بشیر میمن کا کہنا تھا کہ مینارِ پاکستان پر تاریخی جلسہ کارکنوں کے جذبے کا اعلان تھا۔
ملاقات میں صوبہ سندھ میں تنظیمی امور اور مستقبل کی سیاسی حکمتِ عملی پر بات چیت ہوئی۔
اس موقع پر ن لیگی صدر شہباز شریف، مریم نواز شریف، اسحٰق ڈار، ایاز صادق اور دیگر رہنما بھی موجود تھے۔
