آسٹریلیا کو چوتھے ٹی20 میں شکست، بھارت نے سیریز جیت لی

01 دسمبر ، 2023

بھارت نے مہمان ٹیم آسٹریلیا کو چوتھے ٹی20 میچ میں 20 رنز سے شکست دے کر 5 میچوں کی سیریز میں 1-3 کی فیصلہ کن برتری حاصل کرلی۔

رائے پور میں بھارت اور آسٹریلیا کے درمیان 5 ٹی20 میچوں کی سیریز کا چوتھا اور انتہائی اہم میچ کھیلا گیا۔

بھارت نے پہلے بیٹنگ کرتے ہوئے مقررہ 20 اوورز میں 9 وکٹ پر 174 رنز بنائے، رنکو سنگھ 46، پشوی جیسوال 37، جیتش شرما 35 اور رتو راج گائیکواڈ 32 کے ساتھ نمایاں بیٹر رہے۔

آسٹریلیا کے بیندوار شوئس نے 3، تنویر سنگھا اور جیسن بہرنڈورف نے 2، 2 جبکہ آرون ہارڈی نے 1 وکٹ حاصل کی۔

جواب میں آسٹریلیا کی طرف مقررہ 20 اوورز میں 7 وکٹ پر 154 رنز تک محدود رہی، ہیڈ 31، کپتان میتھو ویڈ 36 رنز کے ساتھ نمایاں بیٹر رہے۔

بھارت کی طرف سے اکسر پٹیل نے شاندار بولنگ کی اور 16 رنز کے عوض 3 آسٹریلوی بیٹر کو میدان بدر کیا اور میچ کے بہترین کھلاڑی قرار پائے۔

کھیلوں کی خبریں سے مزید