فرمان الہی
نماز کے اوقات
آسٹریلیا نے جنوبی افریقہ کو ٹیسٹ سیریز کے پہلے میچ میں 214 رنز سے شکست دے دی۔
کنگزمیڈ ڈربن میں کھیلے گئے ٹیسٹ میں کینگروز نے پروٹیاز کو جیت کےلیے 421 رنز کا ریکارڈ ہدف دیا تھا۔
جنوبی افریقی ٹیم میچ کے پانچویں روز دوسری اننگز میں 206 رنز بنا کر آل آؤٹ ہوگئی۔
ایڈن مارکرم نے 75 رنز کی اننگز کھیلی جبکہ ڈیوڈ بیڈہنگم نے 46 رنز بنائے۔ دیگر کھلاڑیوں میں مارکو یانسن 35 اور ویان مولڈر 29 رنز کی اننگز کھیل کر نمایاں رہے۔
آسٹریلیا نے پہلی اننگز میں 390 رنز بنائے جبکہ جنوبی افریقی ٹیم 284 رنز پر آؤٹ ہوئی، اس کے بعد آسٹریلیا نے اپنی دوسری اننگز 314 رنز 6 کھلاڑی پر ڈکلیئر کی تھی۔
آسٹریلیا کی جانب سے جوش ہیزل ووڈ نے آخری اننگز میں 49 رنز کے عوض 6 وکٹیں حاصل کیں۔ سیریز میں آسٹریلیا کو 0-1 کی برتری مل گئی ہے۔
