فرمان الہی
نماز کے اوقات
متحدہ قومی موومنٹ (ایم کیو ایم) پاکستان کے سینئر ڈپٹی کنوینر مصطفیٰ کمال نے کہا ہے کہ بلاول پنجاب میں لاہور کو کراچی بنانے کا دعویٰ نہیں کرسکتے۔
پیپلز پارٹی کے رہنما عرفان گل مگسی کی ایم کیو ایم میں شمولیت کے موقع پر نیوز کانفرنس کے دوران مصطفیٰ کمال نے بلاول بھٹو زرداری پر کھل کر تنقید کی۔
انہوں نے کہا کہ کراچی دنیا کے 4 بدترین اور ناقابل رہائش شہروں میں شامل ہوگیا ہے۔ بلاول بھٹو زرداری آج کل پنجاب فتح کرنے کی مہم چلا رہے ہیں، وہ لاہور میں یہ نہیں کہہ سکتے کہ لاہور کو کراچی بنائیں گے۔
ایم کیو ایم رہنما نے کہا کہ پیلز پارٹی کے لوگوں کو حرام کھلائے بغیر کراچی میں ایک دیوار بھی نہیں بنا سکتے۔
اُن کا کہنا تھا کہ اگر بلاول بھٹو نے لاہور کو کراچی بنانے کی بات کہہ دی تو مجمع بھاگ کھڑا ہوگا، جن کی کارکردگی کچھ بھی نہیں ہے، وہ وزیراعظم پاکستان بننے کا خواب دیکھ رہے ہیں۔
مصطفیٰ کمال نے یہ دعویٰ بھی کیا کہ جس بھی پارٹی کو اپنا وزیراعظم بنانا ہے، اُسے ایم کیو ایم کے ووٹ کی ضرورت ہوگی۔
انہوں نے کہا کہ جو کوئی بھی ہماری آئینی ترمیم تسلیم کرے گا، اُسے وزیراعظم بنانے کےلیے ووٹ دیں گے۔
