فرمان الہی
نماز کے اوقات
ایران سرحد پر کشیدگی پر ہزار سے زائد پوائنٹس گرے تاہم 100 انڈیکس نے کاروبار کا اختتام 364 پوائنٹس کمی پر کیا ہے۔ انڈیکس رواں ہفتے چاروں کاروباری دنوں میں گرا ہے۔
پاکستان اسٹاک ایکسچینج (پی ایس ایکس) میں آج کاروبار آغاز پر ملا جلا رجحان تھا۔ البتہ وزارت خارجہ کے ایرانی سرحد پر کشیدگی کی خبر پر انڈیکس کی گراوٹ میں تیزی آئی جو ایک موقع پر ایک ہزار پوائنٹس سے زائد رہی۔
خبر کے فوری ردعمل کے بعد انڈیکس باقی ماندہ کاروباری دن میں واپسی کی راہ پر رہا۔ انڈیکس نے کاروبار کا اختتام 364 پوائنٹس کمی سے 63 ہزار 202 پر کیا ہے۔
آج حصص بازار میں 44 کروڑ 57 لاکھ شیئرز کے سودے ہوئے جن کی مالیت تقریباً سوا 14 ارب روپے رہی۔
پی ایس ایکس کی مارکیٹ کیپٹلائزیشن آج 55 ارب روپے کم ہو کر 9 ہزار 255 ارب روپے ہے۔
